Central Area Pastor Retreat 2023
Central Area kan cawlcangnak ah a biapi ngaimi pakhat a si tung i pastor le hna nih kan i hlawk pi ngaimi thil pakhat cu kum fate Pastoral Retreat tuah le ngeih hi a si. Retreat ah pakhat le pakhat hawikomhnak kan ngei. Cawnpiaknak in caan kan hmang ti hna. Lente kan celh ti hna. Bia kan i ruah, ruahnak kan i cheu. Kan eiti hna, kan din ti hna, kan it ti hna.
Central Area Bible Conference
Central Area Bible Conference a hmasabik cu Emmanuel Chin Baptist Church, Columbus, Ohio ah 2017 ah a voi (1) nak rak tuah a si. Hi Bible Conference hi Chin Baptist Churches USA (CBCUSA) ram chungah a voi (1) nak tuahmi Bible Conference a rak si. Cawnpiaktu ah Rev. Khen Chum Bik rak sawm a si.
A voi (2) nak Central Area Bible Conference cu Chin Evangelical Baptist Church, Indianapolis, Indiana ah 2019 ah September 20-21, 2019 rak tuah a si. Kan tlangtar cu “Ka Zultu ah Va Ser Hna U” (Matt. 28:19) ti a rak si. Rev. Stanly Cung hi cawnpiaktu a rak si i, penal discussion tuahnak ah Rev. Dr. Stephen Hre Kio le Pastor Van Tha Kam an rak i tel ve.
2020 zong ah Bible Conference tuah dingin khuakhan timhlamh a rak si na tein, Covid rai ruang ah kan rak tuah kho lo.
A voi (3) nak Central Area Bible Conference cu October 1-2, 2021 ah Zophei Baptist Church, Indiana ah tuah a si i kan tlangtar cu “ “ a si. Cawnpiaktu pali hna cu: Rev. Dr. Lal Cung Awi, Pastor David Thawma, Rev. Henry Van Ceu Lian, le Salai Hermon Bawi tha Bik Lyan an rak si.
Pathian zangfahnak thawngin A voi (4) nak Central Area Bible Conference cu September 22-24, 2022 ah Battle Creek Chin Baptist Church, Battle Creek, Michigan ah hlunhlai ngai in tuah dingin timhlamh a si. 2022 Bible Conference kan tlangtar cu “Ngan a Dammi Khrihfabu” ti a si. Cawnpiaktu hna cu: Pastor Biak Tha Hnem, Rev. Dr. Chan Chum Hei, Rev. William Khen Chum Bik le Rev. Dr. Paul Albik Ceu hna an si.
